Ose qen bir qeni, ose deputet! (Ninullë bashkëkohore) nga Arben Duka!

0
1043

Kinematografia Shqiptare  ua dedikon kete ninulle te shkruar nga poeti i shquar Arben Duka klases politike shqiptare te sistemit te korruptuar 30 vjecar!

Ose qen bir qeni, ose deputet!
(Ninullë bashkëkohore)

Fli-o bir i vogël,
fli se të kam xhan,
rritu-edhe bëhu,
një politikan!
Rritu edhe bëhu,
për nënë e baba,
se politikanët,
bëjnë shumë para!

Rritu bir i nënës,
rritu sa më parë,
se të do Atdheu,
dhe pakëz kusar!

Rritu-bir i nënës,
të kam me kimet,
që t’i kesh të tëra,
bëhu deputet!

Nuk ka rëndësi,
i kuq-apo blu,
se bën prokopi,
dhe po të jesh hu!

Dhe po të jesh hu,
shokëve u’a kalon,
se huri dy herë,
gjërat s’i mendon!

Se me politikë,
të shkon jeta mirë,
dhe sikur të jesh,
pakëz qelbësirë!

Rritu edhe bëhu,
për popull një shpresë,
edhe po të jesh,
pakëz i pabesë!

Pakëz i pabesë,
pakëz maskara,
nëse do jesh ndryshe,
nuk bën dot para!

Rritu bir i nënës,
për ty zotin lus,
mirë është që të bëhesh,
dhe pakëz mashtrus!

Fli sa je i vogël,
se nesër s’ka gjumë,
nëse do mashtrosh,
të besojnë më shumë!

Rritu bir i nënës,
bëhu një i zgjedhur,
se këtu gjithmonë,
do ketë për të vjedhur!

Nuk të duhet nderi,
si burrat e hershëm,
se do vuash shumë,
po të jesh i ndershëm!

Bëhu deputet,
dhe nuk ke pse vuan,
sa më i lig të jesh,
më shumë do të duan!

Çfarë ke ndënë vete,
me havan t’i grish,
atyre më sipër,
bythën t’u’a lëpish!

Lëpi pa pushim,
mundi kot s’të shkon,
se me bythëlëpirje,
kariera fillon!

Asnjë ëndërr-bir,
nuk të bëhet pluhur,
nëse do lëpish,
në bythën e duhur!

Kjo si për fillim,
biri im-flori,
pastaj do vijë koha,
të ta lëpijnë ty!

Edhe kur të bëhesh,
tamam një i pasur,
për t’u engledisur,
zur dhe një të dashur!.

Mba një -po tamam,
dhe jo dy e tri,
s’i bën dot derman,
asaj në shtëpi!

Rritu-bir i nënës,
mezi të pret vëndi,
o politikan,
ose qën bir qëni!

Rritu dita-ditës,
që të shohësh mirë,
bëhu-bir i nënës,
pis e qelbësirë!

Arben Duka (1957-2021)
_____________
Kinematografia Shqiptare ne aktivitet qe ne vitin 2013

Follow us:
Blog: https://albaniancinematography.blogspot.com/
Vimeo: Kinematografia Shqiptare (vimeo.com)
Facebook: https://www.facebook.com/ksh.faqjazyrtare
Dailymotion: https://www.dailymotion.com/kinematografiashqiptareartisporti
YouTube: https://www.youtube.com/channel/UCDRYQ5xCyGkfELm3mX8Rhtw

Discover more from Kinematografia Shqiptare - Sporti

Subscribe to get the latest posts to your email.

Leave a Reply