Elez Kadria (1941 – 2015) | Përkujtimore!

0
3195

Elez Kadria
6 Maj 1941 – 11 Gusht 2015
Aktor, regjisor, pjese e historise se teatrit “Migjeni”!

Lindi në Shkoder me 6 maj të vitit 1941 . Ka kryer studimet e larta ne Shkollën e Lartë për Aktor “Aleksandër Moisiu” pranë Teatrit Popullor (sot Teatri Kombëtar) dhe në vitin 1965 fillon punë si aktor në Teatrin “Migjeni”. Ishte nje aktor me nje ngarkese te larte rolesh ne shume premiera shfaqjesh te sukssesshme te ketij Teatri nga mund te permendim “Lagjia e varfer”; “Fisheku ne paje”; “Shpartallimi” ;” Gjaku i Arberit”;”Lindje ne shterngate” ; “Me duar te ndyta”;


Roli i tij i parë në kinematografi do të jetë roli i Fatosit në filmin “Detyrë e posaçme” në vitin 1963. Me pas ne vitin 1966 do te jete Maliqi ne filmin “Oshtime ne bregdet”. Keshtu nis karrieren artistike aktori shkodrani cili do te interpretoj gjithsej në 10 filma artistikë dhe televizivë.
Pothuajse 10 vjet me vone ai i kthehet Filmit pikerisht me 1977 ne “Një udhëtim i vështirë”, ku interpreton rolin e sekretarit te Partisë. Pastaj vijon me tutje me filmat (1979) “ Ditët që sollën pranverën” (Film TV) ku interpreton rolin e nje kapobande;

Fillimet e viteve `80-te Elez Kadria do te jete me prezent ne ekranin e filmit, keshtu ne v. 1982 do te luaje ne dy filma, tek “ Shokët” ne rolin e Gjon Vusha-s dhe tek “Besa e kuqe” ku eshte Pjetër Ukakeqi, Kryetari i Komunës;
Emri i tij do te jete prezent edhe ne vitet ne vijim , me 1983 dhe 1984 ne dy filma per sejcilin vit, tek “Gracka” (1983) – Qamil Borodina, “Fundi i një gjakmarrje” (1983) Dani; “Militanti” (1984) – majori Ndrec Kola, Komandanti i Xhandarmërisë dhe ne televizivin “Koha nuk pret” (1984) me rolin e Abdullah Varoshi (Miku);

Per t`u kthyer edhe njehere teatrit, ne vitin 1976 interpreton shkelqyeshem shfaqjen “Lezja”. Ne vitin 2003, realizon ne menyre te perkryer nje rol ne monodramen “”Le ultime lune`” (Te henat e fundit), duke arritur ne nje nga nivelet me te larta te aktrimit, ku rishfaqi disa nga vetite e tije me te mira ne kete art, si vertetesine e te vepruarit, emocione te thella, drejtpeshimi i brendeshem etj.

Ka qene i suksesshme edhe si rregjisor ne Teatrin “Migjeni”, ku u dallua me venien ne skene te disa shfaqjeve si ajo drama “Vizita e inspektorit” te Xh. Prislit, ne komedinë “Milioner pa asnjë kacidhe” e Dionis Bubanit të vënë në skenë në Teatrin e këtij qyteti në datën 12 nëntor 2005.
Ne Prill 2010 Familja e sotme shqiptare me shqetesimet dhe dramat e saj vendosen ne teatrin “ Migjeni” permes drames te Fadil Krajes e titulluar “ Midis dy dhimbjeve” ne regji te Elez Kadrise. Gezimi, zhgenjimi, dashuria dhe intrigat te shtjelluara brenda nje familje. Akuzat e te vellait ndaj motres, zhgenjimi i nenes nga bijte, nje baba ne prag te vdekjes.

Elez Kadrija eshte vleresuar dhe dekoruar me “Urdherin N. Frasheri” Klaseve I dhe II per nivelin profesional aktorial dhe per kontributin e dhene ne skenen shqiptare, si dhe me vleresimin “Mirenjohje” nga Prefektura e Shkodres me motivacionin: “Per kontributin shume vjecar me nivel te larte artistik ne zhvillimin e artit dhe kultures ne 100 vite shtet”.
Ka jetuar në Philadelphia, Pennsylvania (USA). Nderron jete me 11 Gusht 2015.

___________________
Publikuar per here te pare ne faqen Kinematografia Shqiptare – Facebook ne maj 2015, rishikuar ne vitet vijues.
Referenca: Seleksionim i lajmeve te shkeputura nga gazeta dhe portale shqiptare on line / “Teatri dhe Kinematografia Shqiptare” – Toena 2009 / J. Papagjoni / f. 207.

Follow us :
Blog: https://albaniancinematography.blogspot.com/
Vimeo: Kinematografia Shqiptare (vimeo.com)
Facebook: https://www.facebook.com/ksh.faqjazyrtare
Dailymotion: https://www.dailymotion.com/kinematografiashqiptareartisporti
YouTube: https://www.youtube.com/channel/UCDRYQ5xCyGkfELm3mX8Rhtw

Discover more from Kinematografia Shqiptare - Sporti

Subscribe to get the latest posts to your email.

Leave a Reply