Profil i aktorit te humorit Arben Shaka (1952-2022)!

0
1500

Arben Shaka (1952 – 2022)
Aktor i humorit, regjisor, mjeshter i pantonimes dhe skenarist i disa filmave vizatimore!

Lindi ne Tirane me 26 gusht 1952.
Per brezat e rinj, është një emër jo shumë prezent në skenën shqiptare, por emri i tij është i paharruar për shumë breza të tjerë.

Arben Shaka ka nje karriere rreth 33 vjetesh, krijues ne cirkun kombetar, ne teatrin e varietese, televizion, kinematografi etj. Aktori i njohur i gjinise se humorit, klloun/gazmori i Cirkut dhe Estradës së Tiranës, rregjizor dhe mjeshter i pantonimes.

E fillon karrieren artistike ne vitin 1966, ku interpreton rolin e shoferit ne pantomimen “Shoferi dhe Pasagjeri”, autor i së cilës eshte Agim Nallbani dhe partneri në rolin e pasagjerit ishte Astrit Ferizaj. Po ate vit Arben Shaka kishte filluar punë si elektro-auto në Parkun e Kamionëve dhe këtë pantomimë e paraqitën në festivalin e estradave amatore. Ishte 16 vjeç dhe u befasua krejtesisht për suksesin absolut të kësaj pantomime dhe kryesisht në suksesin qe arriti në rolin e shoferit.

Ne moshen 17-vjecare , ne muajin Prill te v . 1968 nis karrierën profesioniste në skenën e teatrit të Estradës së Tiranës, duke e filluar me këtë pantomimë “…. nuk më harrohet në kulmin e suksesit të saj në skenën e estradës, kur unë interpretoja duke u dhënë i tëri pas rolit, rastësisht hodha vështrimin nga spektatorët dhe për çudinë time të gjithë hidheshin nga karriget duke më imituar mua, në ato çaste magjike interpretonin së bashku me mua gjashtëqind spektatorë…”

Arben Shaka ka patur nje fat qe e ka ndjekur gjate 30-vjeteve te karieres se tij . Pjesëmarrja në filma ishte shkas i daljes në skenë me sukses dhe as qe e mendonte që do ta merrnin kaq shpejt për të xhiruar në ndonjë film.

Prirjet e artistit Shaka ishin kryesisht për pantomimën aktoriale dhe kupletet muzikore dhe këtu ka një të përbashkët me artin e bukur të cirkut. Ai ne fillim , dëshironte që të luante vetëm në skenën e Estradës, por këmbëngulja e Artistit të Popullit dhe njëherazi krijuesi i cirkut shqiptar, Telat Agolli, në atë kohë ishte udhëheqës artistik i cirkut, e detyroi që te merrte pjese edhe në Cirk edhe në Estradë, pasi ishin në një drejtori.

Ustai i cirkut e kishte nuhatur që kishte perspektivë në këtë art të bukur dhe ashtu doli… Me punë të lodhshme, shumë djersë dhe pasion, Arben Shaka arriti të jete i suksesshëm në Cirkun dhe Estradën e Tiranës.

Në shtator të vitit 1998 ashtu si shumë shqiptarë edhe ai largohet së bashku me familjen për të emigruar në Greqi. Arsyeja e largimit në një mënyrë pak të papritur, ishte gjendja e rëndë ekonomike. Arbeni, gruaja dhe nëna jetuan pesëmbëdhjetë vjet në Greqi, ndërsa dy vajzat dhe djali do të vazhdojnë të jetojnë dhe të punojnë normalisht. Pesëmbëdhjetë vjet në një qytezë bregdetare turistike me bukurinë dhe pastërtinë e saj dhe me banorë të respektueshëm të Lutrakit.

Në muajin e parë të vajtjes se Arbenit ne Greqi mendja i sugjeronte se do të aktivizoheshe si aktor komik dhe ne fakt fillon të pyes e të kërkoj me seriozitet, por duke mospasur informacionin e duhur për kolegët grekë, ëndrra dhe pasioni ju venitën menjëherë. Për herë të parë dhe të fundit në Greqi, ai ka dhene një program me pantomima me muzikë të sinkronizuar së bashku me Herionin (djali) dhe Joridën (vajza e dytë). Shfaqja u dha në një lagje të Athinës në Kifisia, në shtëpinë e një arkitekti ku ishin të pranishëm familja, të afërm dhe miq, rreth gjashtëdhjetë persona. Programi prej një ore e pesëmbëdhjetë minutash doli me sukses dhe të gjithë u shkrinë së qeshuri.

Gjatë karrieres artistike ka pasur shumë shokë dhe miq, por më pranë ka pasur Skënder Plasarin, Xhemal Myftiu (Kacja), Enver Dauti. Ndërsa më afër në skenën e Estradës së Tiranës bashkeinterpretuesit e tij kanë qenë Skendër Sallaku, Xhemal Myftiu, Vasillaq Vangjeli, Maxhide Pici (PUPI), Vegim Xhani, Dario Llukaci etj.

Ka pasur fatin që të luaj në skenën e Estradës dhe me të madhin Mihal Popi dhe më vonë me Melpomeni Çobanin, nje aktore e shkëlqyer karakteri. Ndërsa, për sa i përket Cirkut, partneri i tij kryesor ka qenë Met Selimi, mjeshtër i kllounatës akrobatike dhe aktoreske, ku për shumë vjet me radhë kane qenë pranë njëri-tjetrit, në mes të duartrokitjeve të shumta të artdashësve. 

Pas aktrimit, pasioni i Arbenit ishte piktura dhe më pas fotografia.
Në Cirk, duke pasur pozicionin e kllounit aktor dhe bazament në elementet akrobatike, me një vokal të këndshëm, kishte krijuar një sukses të përhershëm.

Filmi “Cirku në fshat” (1977), ku luante Arben Shaka në rolin e Agronit, ishte një sukses, por ka pasur shumë role të tjerë si në varietete televizive dhe në estradë me sukses të plotë. Per here te pare merr pjese ne nje film ne vitin 1969 tek “Perse bie kjo daulle”. Me pas vazhdon perseri ne filmin e dyte ne v. 1972 tek “Odiseja e tifozeve” dhe po ne te njejtin vit shfaqet ne filmin “Kapedani” si njeri nga te rinjte e fshatit. 

Kohet e fundit gjithnje eshte shprehur se më shumë dëshirë do të pranonte të luante në ndonjë rol në film televiziv ose televizion, apo ndonjë spot televiziv. Dikur ai kishte një repertor të bollshëm në Televizionin Shqiptar, në emisionet për fëmijë, variete dhe telefilma për fëmijë, variete për të rritur si dhe telekomedi. Ne karrieren e tij ka kaluar plot tridhjetë e tre vite në cirk, në skenë dhe në ekran, për artdashësit shqiptarë, dhe per kete eshte nderuar me medaljen Naim Frasheri per interpertim ne fushen e humorit.

Artisti nderroi jete me 23 janar 2022.  Lajmi i trishte i dhene ne faqen “Kinematografia Shqiptare” ne Facebook

_________
Kinematografia Shqiptare 2013-2022
Publikuar me pare ne Facebook – Nentor 2015 dhe rishikuar ne vitet vijues. Referenca: “Koha e jone”

Follow us :
Blog: https://albaniancinematography.blogspot.com/
Vimeo: Kinematografia Shqiptare (vimeo.com)
Facebook: https://www.facebook.com/ksh.faqjazyrtare
Dailymotion: https://www.dailymotion.com/kinematografiashqiptareartisporti
YouTube: https://www.youtube.com/channel/UCDRYQ5xCyGkfELm3mX8Rhtw

LEAVE A REPLY

Please enter your comment!
Please enter your name here