Në kujtim të aktorit Bep Shiroka (1933-2010)

0
441

Bep Shiroka (1933-2010)
Aktor i Teatrit “Migjeni” Shkoder dhe Kinematografise Shqiptare.
Mban titullin “Artist i merituar”

Eshte një aktor komik dhe dramatik që rrallë i takon ta ketë të vetin skena shqiptare. Shkëlqimi i gjysëm shekulli karriere nga teatri deri tek filmi, jeta dhe kryerolet e tij në kinema e teatër e shndërruan aktorin në idhull të batutës dhe humorit!

Lindi ne Shkoder me 25 shtator 1933. Nëse publiku shqiptar e identifikon me dy filma, “Çifti i lumtur” (1975) dhe “Koncert në vitin 36”,(1978) vlerësimi i bashkëqytetarëve të tij shkodranë shkon përtej kinemasë…. Shkon përtej 160 premierave të Teatrit “Migjeni” në 40 vite karrierë ku në shumicën e tyre ka interpretuar rolin kryesor.
Bep Shiroka, një artist që rrugën e nisi nga piktura, që lindi e jetoi në një qytet ku arti ushqen shpirtërat njëlloj si ajri, e ku ai la gjurmë që koha kurrsesi nuk mund t’i fshijë. Aktor i teatrit, apo kinemasë? I dramës apo komedisë? Pyetje që marrin përgjigje pohuese në të gjitha rastet e ku komplimentet për kontributin, nostalgjinë, adhurimin ndaj aktorit janë njëlloj prezente si në të gjallë të tij.

FOTOGALERI NGA TEATRI

Bep Shiroka dhe Bekim Fehmiu nje foto ne Teatrin “Migjeni” pas vizites se aktorit shqiptar me fame boterore ne Shqiperi ne vitet `70-te

Fillimet i ka me pikturen dhe skenografine me 35 punime te tilla, madje i nderuar edhe me Cmimin e pare per skenografine e drames “Lagja e varfer” te Fadil Pacramit ne v. 1969. Artisti i madh, Bep Shiroka i përket atyre rasteve që artin e kanë në gen, por që kanë ëndërruar të bëjnë diçka tjetër në jetë. Rruga e artit skenik ka qenë një zgjedhje e rastësishme. Eshte i biri i Kolë Shirokes qe njihej si një ndër organizatorët e karnavaleve të famshme të Shkodrës, ndërsa nëna e tij e ka pasur në natyrë humorin. E ardhur nga familja e famshme e Daiajve, nëna i la si trashëgim shumë nga natyra e saj. Nga babai ai ka trashëguar dashurinë për pikturën, për muzikën.

Roli i parë dhe ai i fundit për aktorin Bep Shiroka, interpretohen të dy në skenën e Teatrit “Migjeni” në Shkodër. Roli i parë në vitin 1960, ai i Vok Mirash Husi kur aktori ishte 27 vjeç në dramën “Nora e Kelmendit ” të Andrea Skanjetit, ndërsa roli i fundit në vitin 2008, në moshën 75 vjeçare, kur me një kthim të bujshëm, dinjitoz, por fatkeqësisht të fundit, u ngjit në skenën e Migjenit si për të dhënë lamtumirën e tij me “Putargat e thata” të Stefan Çapalikut.

Të dy këto kufinj skenikë (1960-2008) mbartin vlerë të veçantë për aktorin. Roli i parë sepse e futi në rrugën e mistershme të aktrimit, i fundit sepse tregoi se sa e gjatë, e bukur dhe dinjitoze, magjike dhe emocionuese kishte qenë kjo rrugë.
Aftësia për t’iu përshtatur si roleve komike, ashtu edhe roleve dramatike ka qenë një nga pikat e forta të aktorit Bep Shiroka. Në të njëjtin moment, aktor komik fantastik, me batuta e skeçe që rallë i ka ndeshur kinematografia dhe skena shqiptare dhe nga ana tjetër një aktor dramatik i jashtëzakonshëm.

Ne vitin 1965 mbaron liceun artistik “Jordan Misja” per aktrim. Faktikisht, si aktor ai qe me pare ishte pjese e trupes se Teatrit “Migjeni”. Keshtu mbas rolit te pare ne v. 1960, interpreton nje vit me vone (1961) rolin e Viktorit ne dramen “Histori irkutose”e Arbuzovit ku shfaqen me se miri cilesite e tij ne planin dramatik. Ne Teatrin “Migjeni” ka luajtur role si qofte dramatike po ashtu edhe komike. Spikat ne dramat “Cuca e maleve” , “Perkulgjinajt” dhe shquhet ne rolin e Dashit ne “Fisheku ne paje “ te Fadil Krajes, duke misheruar tipin e malesorit te ngarkuar me gjykime patriarkale dhe te zymta, qe ne rrugen e clirimit shpirteror nis te rikuperojeemocionalisht raportin e tij me te shoqen . Ka interpretuar gjithashtu nje sere rolesh te formatit te heroit si psh rolin e Gjergjit ne dramen “Shpartallimi” te Fadil Krajes.

Nder rolet e tjera te interpretuara me mjeshtri te aktorit mund te permendim Bushin ne “Luani i shtepise” nga Fadil Kraja, Rushiti tek “Baca i Gjetajve” perseri nga Fadil Kraja, rolin e nje plaku 600 vjecar ne “Ftese nga larg” te Stefan Capalikut, Gabrieli ne “Ishullin e Shitenit” te Albri Brahushes .
Ne vitin 1983 sjell ne skene figuren e inspektorit Gull ne dramen “Vizita e Inspektorit” te Xhon Prislit duke riafirmuar cilesite e tij aktoriale, posacerisht ne ruajtjen e koherences dhe perspektives se veprimit, duke ruajtur me mencuri tensionin dramatik, suspensen , poziten ironike dhe forcen imponuese prej akuzuesi. . Vit mbas viti interpretimi i tij arrin ne nivelet me te larta te aktrimit. Keshtu ne vitin 1995 ne rolin e trimit tek “Cmurosja” me regjine e Serafin Fankos, ai shembellen , fale veshtrimit epik dhe mitologjik, figuren e prijesit te fisit, te burrit autoritar dhe te mencur dhe te babait te respektua ne familje. Role te tjera jane : Franku ne dramen “Franku” ; Gracieni ne “Me dyer te mbyllura” te Zhan Pol Sartrit.

FOTOGALERI NGA FILMAT

Bep Shiroka ka interpretuar me mjeshtri gjithashtu edhe ne filma artistik, ku u dallua natyrisht ne “Cifti i lumtur” ne rolin e babait fanatik me te cilin fiton “Cmim te vecante”, rol qe e ka luajtur gjithashtu edhe ne Teatrin “Migjeni”. Ky eshte roli që e ka pasur më për zemër. Në fakt ishte një skeç, që më pas u kthye në komedi. Skeçin e pa aktori i talentuar i humorit, Artisti i Popullit, Tano Banushi, i cili u shpreh menjehere “Ta bëjmë komedi!” . Suksesi si film lidhet me shumë komponentë, por në mënyrë të padiskutuar lidhet me lojën brilante të aktorit shkodran. Mjaft natyral në interpretim. Fakti që ka interpretuar veten e tij, një burrë me vlera të forta, por i butë si njeri, që për familjen shpesh shkelte edhe bindjet e kryefortësinë e vet, përbën një nga çelësat e suksesit të rolit.

Ne vitin 1978 i jep jete nje roli tjeter qe do te mbetet gjithnje ne historine e kinemase shqiptare, ate te xhandarit Vesel tek filmi “Koncer ne v. 36” duke i dhene nje dnjenje te mrehte humoristike. Qendrimi skenik, mimika dhe gjestikulacioni konsiderohen si armët më të forta të aktorit. Nderroj jete me 1 korrik 2010. Për meritat e tij artistike Bep Shiroka është vlerësuar me titullin e lartë “Artist i Merituar”

FILMAT:
Lugina e pushkatarëve – (1970)…Ram Sokoli
Çifti i lumtur – (1975)
Ditët që sollën pranverën – (1979) (TV)
Koncert në vitin 1936 – (1979)…Xhandar Veseli
Si gjithë të tjerët – (1981)…..Babai i Jetës
Kërcënimi – (1981) … Aleksandër Zvetko
Nje nate pa drite – (1981)…….
Besa e kuqe – (1982) … Bajraktari
Flaka e maleve – (1982…..
Fushë e blertë fushë e kuqe – (1984)
Kur hapen dyert e jetës – (1986)… Babai i Bardhylit
Historiani dhe kameleonët – (1989) … Zoti Maksut
Women Without Wings – (2002) … Sigurim Chief
__________________________
Kinematografia Shqiptare 2013-2021
Publikuar per here te pare ne shtator 2014, dhe rishikuar ne vitet vijues
Referenca: “Aktori i 160 karaktereve” nga Neritana Kraja;
Enciklopedia Teatri & Kinematografia Shqiptare (Toena 2009) f. 440/
Shiroka Bep, “Flet pak por thote shume” Teater N.4 1979 (f. 141-142)
Fotot jane kontribut i administratoreve te faqes.

Follow us :
Blog: https://albaniancinematography.blogspot.com/
Vimeo: Kinematografia Shqiptare (vimeo.com)
Facebook: https://www.facebook.com/ksh.faqjazyrtare
Dailymotion: https://www.dailymotion.com/kinematografiashqiptareartisporti
YouTube: https://www.youtube.com/channel/UCDRYQ5xCyGkfELm3mX8Rhtw

LEAVE A REPLY

Please enter your comment!
Please enter your name here